Павлов Кирилл Егорович

Павлов Кирилл Егорович – 1926 сыллаахха Сыралта
нэһилиэгэр төрөөбүт, педучилищены бүтэрбит, армияҕа 1944 сыл бэс ыйын 3 күнүгэр ыҥырыллыбыт. Илиҥҥи фроҥҥа ананан Японияны утары сэрии кыттыылааҕа, 1945 сыл күһүнүгэр доруобуйатынан армияттан босхолонон дойдутугар кэлбитэ. Районо инспекторынан, комсомол райкомун 2-с сэкирэтээринэн, респотребсоюз, партия райкомун, Саха АССР Үрдүкү Сэбиэтин бюджетын комиссиятын бэрэссэдээтэлинэн үлэлээбитэ. 1994 сылтан Саха сирин “Память” кинигэтин эрэдээктэрэ, республика Ытык Сүбэтин чилиэнэ. Үлэ
Кыһыл Знамята, Аҕа дойду сэриитэ ll степэннээх орденнарын кавалера,” Партийнай килбиэн” мэтээлинэн наҕараадаламмыта. 18 сааһын туолаатын армияҕа барарга бэбиэскэ тутар, учууталын Иван Семёнович Буслаевы кытта Иркутскайга тиийэн кини илин сэриигэ, учуутала арҕаа сэриигэ бараллар. Полкаҕа бастыҥ ытааччылар ахсааннарыгар сылдьар., бойобуой лииһи таһаарсар, комсомольскай группорунан талыллар. Ити курдук сылтан ордук сулууспалыыр. Онтон Японияны утары сэриигэ киирэллэр. Хайлар өрүс уҥуор тиһэх походка сылдьан доруобуйатынан сыыйыллан армияттан дойдутугар күһүн муҥха саҕана тиийэн кэлэр. Сэрии кэннэ салайар үлэлэргэ үлэлиир. 25 сыл тухары Кирилл Егорович Саха сирин өйдөбүнньүк “Память” кинигэтин эрэдээктэринэн үлэлээн кэллэ. Кирилл Егорович Павлов билигин 94 сааһыгар сылдьар.

Распечатать